পুৱারী

মণিপুর লেণ্ড রেভিনু্য এণ্ড লেণ্ড রিফোর্মস এক্ট, ১৯৬০গী মখাদা জুন ১৭, ১৯৯৭দা থোকপা গভর্নমেন্ট ওফ মণিপুর (সেক্রেটরিয়েত) রেভিনু্য় দিপার্টমেন্টকী ওর্ডর নমর ৬/১/৭৩-আর (পার্ট-আইট) না মতমদুগী ইম্ফাল দিষ্ট্রিক্টতগী ইম্ফাল ৱেষ্ট-ৱানগী খুঙ্গং অমদি সহরশিং অমদি ইম্ফাল ৱেষ্ট-টুগী সব-দিষ্ট্রিক্টশিং ত্রান্সফর তৌদুনা চহী ১৯৯৭তা ইম্ফাল ৱেষ্ট দিষ্ট্রিক্ট অসি শেমখি। দিষ্ট্রিক্ট অসি শেম্বগা লোয়ননা ইম্ফাল ৱেষ্ট-ৱান সব-দিভিজন অসি মখা তানা লমশাং সবদিভিজন অমদি পাৎশোয় সব-দিভিজন হায়না খায়দোকখি অমদি হায়রিবা নোতিফিকেসন অদুনা ইম্ফাল ৱেষ্ট-টু সব-দিভিজন অসি লম্ফেলপাত্ সব-দিভিজন অমদি ৱাঙ্গোই সব-দিভিজন হায়দুনা সব-দিভিজন মরী লৈহনখি। দিষ্ট্রিক্ট অসিদা হিয়াংথাং ব্লোক, পাৎশোয় ব্লোক, লমশাং ব্লোক অমদি ৱাঙ্গোই ব্লোক হায়দুনা কমু্য়নিটি দিভেলপমেনট ব্লোক মরি লৈ। সব-দিভিজনশিং অসি মখা তানা সব-সর্কল ১০ থোকনা খায়দোকখি। লমশাং সব-দিভিজনদা সার্কল ৩ (সেকমাই, লমশাং অমদি সলাম), পাতশোয় সব-দিভিজনদা সার্কল ২ (কোন্থৌজম অমদি পাতশোয়), লম্ফেলপাত্ সব-দিভিজনদা সার্কল ১ অমদি ৱাঙ্গোই সব-দিভিজনদা সার্কল ৪ (ৱাঙ্গোই, ময়াং ইম্ফাল, হিয়াংথাং অমদি লিলোং) লৈ।