দিষ্ট্রিক্টকী মরমদা

ইম্ফাল ৱেষ্ট দিষ্ট্রিক্ট অসি মণিপুর তম্পাক লমদমগী মনুং চন্না লৈ। মসি লৈতেম মান্নবা অতৈ দিষ্ট্রিক্টশিংনা কোযশিনবা মণিপুরগী মযাযদা লৈবা অপিকপা লৈতেম মান্নবা মফম অমনি। ষ্টেট অসিগী কেপিটেল ওইরিবা ইম্ফাল সিটি অসি দিষ্ট্রিক্ট অসিগী মপূং ওইবা লৈঙাকপগী মরুওইবা মফম অমনি। লাযনা খঙবা যাবা অশমা বারোল তেবল অমদা উত্লি।

দিষ্ট্রিক্ট অসি অবাংদা কাংপোকপী দিষ্টিক্টনা, নোংপোক্তা ইম্ফাল ইষ্ট অমদি থৌবাল দিষ্টিক্টশিংনা মখারোমথংবদা থৌবাল অমদি বিষ্ণুপুর দিষ্টিক্টশিংনা অমদি নোংচুপ্তা সেনাপতি অমদি বিষ্ণুপুর দিষ্ট্রিশিংনা কোয়শিল্লি।

মরুওইবা অশূপ্পা বারোল (2011গী মিকোক থীবগী মতুং ইন্না)

অইং-অশাঃ

দিষ্ট্রিক্ট অসি চহী চুপ্পদা কালেন থাদা কা হেন্না শাদবা অদুগা নিংথম থাদা কা হেন্না ইংদবা য়ামনা নুংঙাইবা অইং-অশাগী ফিভম অমদা লৈ। দিষ্ট্রিক্ট অসিগী মপূং ওইবা নোংজু নুংশা, অইং-অশাগী ফিভম অসি ত্রোপিকেল মোন্সুন ওইবগা লোযননা লৈবদা যামনা নুংঙাইবা অমনি। দিষ্ট্রিক্ট অপূনবদা মোন্সুনগী ইথিলগী মখাদা লৈবগা লোযননা কালেন থাগী মতমদা অশাবা নুংশিত্তা ঈশিং মনিল য়ামনা য়াওবা ঋতু ওই। অইং-অশাগী চাং অসি খআইদগী তাবদা 0°C তগী খ্ৱাইদগী বাংবদা 35°C ফাওবদা ওই। চহী ১৯৯১-৯৯গী চহীশিংদা ফোঙবা মেতোরোজিকেল দেতাদা যুম্ফম ওইরগা লেপ্পা নোংজুগী চাং অসি ১২৫৯.৫ মিঃমিঃ ওই । দিষ্ট্রিক্ট অসিদা ফংলিবা নোং অসি খা নোংচুপ মোন্সুনদগীনি।

লৈপাক-লৈহাও:

ইম্ফাল বেষ্ট দিষ্ট্রিক্টকি তম্পাক্কি মফমশিং অসি লৈপাক লৈহাও য়ামনা চেল্লি অমদি মসি য়ামনা কুইদ্রিঙৈ মতমদা এল্লুবিয়েল লৈহাওশিংনা মরুওইনা শেমখিবনি। তম্পাক্কি লমদম অসি মতম অমদা অয়ামবনা ঈশিং তুংবা অমদি চোত্-চোত্ লাওবা পাত্কি শরুক ওইরমী অমদি মরুওইবা খরদি লম্ফেলপাত্, তাকযেপাত্, সঙ্গাইপাত্, কক্বাপাত্, পোইরৈপাত্নি। লৈপাক লৈহাও অসি মরুওইনা অমুবা বাওথাংনবা অমদি এল্লুবিযে সোইলশিংনা শেমনি লোযননা তেকি-কেল ওইনা উদাল্স-ওক্রেপ্টস অমদি ওক্রেপ্টস – একু্এপ্টস – ফ্লুভুবে-টস হাযদুনা খাযদোকই।

তুরেলশিং:

ইম্ফাল বেষ্টকি তম্পাক্কী লমদমদা চেল্লিবা মরুওইবা তুরেলশিংদি ইম্ফাল তুরেল, নমুল তুরেল অমদি তুরেলশিং অসিগী মশাশিংনি। নমুল তুরেল অসি মসিগী হৌরকপা শরুক্তা অপিকপা তুরেল মচা কয়ানা পুন্সিল্লক্তুনা শেমনি। তুরেল অসিগী মরীল অসি তেল্লি লোযননা লোক্তাক পাত্তা ইতিল্লি। তুরেল অসিনা ইম্ফাল মু্যনিসিপালিটি এরিযাশিং ফাওদুনা চেল্লি অমদি মফম অসি চাওরাক-া চাউবা মান্নবা শরুক অনি থোকনা খায়দোকই। তুরেল অসিনা ইম্ফাল বাজার অমদি মসিগী অকোযবা মফমশিংগী ঈশিং চিথখিনবগী মপূং ওইবা থবক তৌরি। নোংজু থাগী মতমদা মসিদা ইতিল্লিবা তুরেলশিংদগী যাঙনা চেনশিল্লকপা ঈশিং তুরেল অসিনা লোযনা পুদুনা চেনবা ঙমদে। মসিগী ফলনা তুরেল অসিগী তোর্ব্বান কাযদুনা অনেমা মফমশিংদা তত্তনা ঈশিং থুমহল্লি।